Il nestri grop al ven da Caprive dal Friûl, un piçul cumun di 1500 animis in province di Gurizze a pôcs pâs dal cunfin sloven e a no masse lontan di chel austriac. Come ch’al dis la nestre cjante sociâl,
Poiade tal plan |
;) |
baste fermasi dongje al paîs par rindisi cont da maraveose posizion di chiste piçiule borgade a soreli jevât de Furlanie, coronade di un vert paesaç di culinis, al Cuei Gurizzan, indulà che la colture de vît e à lidrîs antighis, e no je masse lontan dal mâr e da lis monts Cjargnelis e Julianis. Lis ultimis cjasis di Caprive si piàrdin tra i cjamps e i orts voltâts viars misdì e jenfri vivarôs filârs poiâts su lis culinis viars miezegnot.
Oltri l’abitât a son lis frazions di Spesse, Budignac, Russiz di Sot e Russiz di Sore che, pe lor caratteristiche di piçiui cjasâi di pôcs parons, e àn mantignude la semeance di un timp. Proprit in chestis zonis si cjatin lis atrativis paisagjistichis e turistichis une vore interessantis: lis culinis son une vore sugjestivis pal lôr vigôr de vegetazion, ma ancje pe prisince di vilis e cjasciei (Spesse, Russiz di Sot e di Sore) che ben si inseedin intun panoram che no à nuie di mancul di altris, ben plui cognossûts e preseâts: se si monte su une altane la visuâl si poie sul paesaç indulà che la nature samèe ch’a vedi dât vita intun moment di particular creativitât, che podopo l’omp le à completade cun tante voie e tant amor fasìnt sentî di dutis li bandis la sô secolâr prisince, sence rompi chist magjic cuilibri.;) |
Oltri a chstis bielecis naturâls, Caprive e propon ai forescj interessants edificis storics e religiôs come la glesie dedicade al "Non di Marie", la piçiule e ninine glesiute de "Santissime Trinitât", clamade ancje di "Sant Jusèf" cu l’altare maiôr che a je une opare une vore preseade dal sietcent. In plui, fûr dal paîs, viars miezegnot, e spiche la suturne figure dal cjascjel di Spesse. |  |
